Raza Musani 
دمشق: ولی امر مسلمین آیت اللہ خامنہ ای کے خصوصی ایلچی علی لاریجانی نے شام کے صدر بشار اسد سے ملاقات کی اور خطے کی صورت حال بالخصوص صیہونی رجیم کے اقدامات کی شدت اور فلسطین اور لبنان پر مسلسل جارحیت کو روکنے کی ضرورت پر تبادلہ خیال کیا گیا۔ اس ملاقات میں دونوں ممالک کے درمیان دوطرفہ تعلقات اور دونوں ممالک اور خطے کے عوام کے مفادات کو محفوظ اور مضبوط بنانے کے طریقوں کا جائزہ لیا گیا۔ شامی صدر نے فلسطینیوں کے تاریخی حقوق کی پاسداری اور فلسطینیوں اور لبنانی عوام کے موقف کی ہر طرح سے حمایت کرنے اور قتل و غارت کے خاتمے اور نسل کشی کی روک تھام پر زور دیا۔
