Raza Musani 
سڈنی : آسٹریلیا نے اسلامی تحریک حماس کو مکمل طور پر دہشت گرد تنظیم قرار دینے کا فیصلہ کرلیا۔ اس سے قبل آسٹریلیا نے حماس کے صرف عسکری ونگ القسام بریگیڈز کو دہشت گرد قرار دیا تھا اب وہ برطانیہ، امریکا، اسرائیل اور دیگر ممالک کی تقلید میں اس گروپ کی سیاسی شاخ کو بھی دہشت گرد قرار دے رہا ہے۔نئی نامزدگی میں اس کی مکمل تنظیم کا احاطہ کیا جائے گا اور اس کو دہشت گرد تنظیموں کی فہرست میں شامل کیا جائے گا۔ آسٹریلیا میں حماس کو دہشت گرد تنظیم قرار دینے کے بعد اس کی مالی معاونت یا دیگر حمایت پر پابندیاں عائد کی جائیں گی اور بعض جرائم میں 25 سال تک قید کی سزا ہو گی۔آسٹریلوی وزیرداخلہ کیرن اینڈریوز نے حماس کے خیالات کو انتہائی پریشان کن قرار دیتے ہوئے کہا ہے کہ آسٹریلیا میں ان کے نفرت انگیز نظریات کی کوئی جگہ نہیں ہے۔
