مشرقی خان یونس، دیرالبلاح، رفح پر حملے، متعدد فلسطینی شہید و زخمی

غزہ : صیہونی فوج نے صبح سویرے غزہ میں مشرقی خان یونس۔ دیرالبلاح اور رفح میں شدید حملے کئے ہیں جس میں کئی فلسطینی شہید وزخمی ہوگئے۔
صیہونی فوج نے مشرقی خان یونس کے قصبے اباسان الکبیرہ میں ایک مکان کو میزائل داغ کر تباہ کردیا۔ حملے میں بچوں سمیت کئی افراد شہید و زخمی ہوئے۔ دیر البلاح میں بھی خیمہ بستی پر بم برسائے گئے۔ جس میں کئی معصوموں کی قیمیتی جانیں گئیں۔ رفح میں بھی دو مکانات صیہونی فوج کے ڈرون حملے کا نشانہ بنے جس میں پانچ فلسطینی شہید اور بارہ زخمی ہوگئے۔ رفح میں صیہونی فوج اور مزاحمت کاروں میں شدید جھڑپیں ہورہی ہیں۔ القسام بریگیڈ نے صیہونی فوج کو بھاری جانی و عسکری نقصان پہنچانے کا دعویٰ کیا ہے۔ دوسری جانب گذشتہ روز اسکول پر حملے میں شہید افراد کی تعداد ایک سو بیس تک جاپہنچی۔ کئی زخمی دم توڑ گئے۔ صیہونی فوج نے مشرقی کے بعد جنوبی خان یونس سے بھی انخلاء کے احکامات جاری کردئے اور شیخ ناصر، بربخ اور معین کے علاقوں میں رہنے والوں کا کہا ہے کہ وہ فوری طور پر علاقہ چھوڑ دیں۔