Raza Musani 
پشاور : دہشت گردی کی لہر میں تیزی آگئی۔ پشاور اور ڈیرہ اسماعیل خان میں حملوں میں پولیس افسر اور تین اہلکاروں سمیت پانچ افراد شہید ہوگئے۔ پشاورمیں افغان سرحد کےقریب دہشت گردوں نےسربند تھانے پررات گئےحملہ کیا۔ چھ سے آٹھ دہشت گردوں نے تھانے پر تین طرف سےحملہ کیا۔ فائرنگ کے ساتھ ساتھ دستی بم بھی پھینکے۔پولیس اور دہشت گردوں کے درمیان فائرنگ کا تبادلہ کئی گھنٹوں تک جاری رہا۔ حملے کے بعد ڈی ایس پی اپنے گن مینز ارشاد اور جہانزیب کے ہمراہ پہنچے تو دہشتگردوں نے ان پر فائرنگ کردی۔ فائرنگ سے تینوں اہلکار شہید ہوگئے۔ پولیس کی بھاری نفری پہنچنے پر دہشت گرد فرار ہوگئے۔ ادھر ڈیرہ اسما عیل خان میں پولیس چوکی پر حملے میں پولیس اہلکار سمیت دو افراد شہید ہوگئے اور ایک پولیس اہلکار زخمی ہوا۔
