Raza Musani 
غزہ : غاصب اسرائیلی فوج کے غزہ پر حملوں میں مزید درجنوں افراد شہید اور کئی زخمی ہوگئے۔ اسرائیلی فوج نے غزہ سٹی اور رفح پر رات گئے فضائی حملے کئے اور توپخانے سے رہائشی عمارتوں کو نشانہ بنایا۔
حملوں میں عمارتیں ملبے کا ڈھیر بن گئیں اور مکین ملبے تلے دب گئے۔ شہدا اور زخمیوں میں بڑی تعداد خواتین اور بچوں کی ہے۔ اسرائیلی آپریشن کے بعد رفح شہر میں تینوں بڑے اسپتال غیر فعال ہوگئے ہیں۔ ادھر غزائی قلت سے جنوبی غزہ میں قحط جیسی صورتحال ہے۔ جنوبی غزہ میں غذائی قلت کے باعث ایک اور فلسطینی بچے کی جان چلی گئی۔ بھوک سے مرنیوالوں کی تعداد 37 ہوگئی ہے۔
سیو دی چلڈرن نے قحط جیسی صورتحال سے خبردار کیا ہے۔ امدادی ایجنسیوں کا کہنا ہے کہ اسرائیل کے رفح کراسنگ کا کنٹرول سنبھالنے کے بعد سے غزہ کو امداد کی ترسیل میں 67 فیصد کمی آئی ہے۔ فلسطینیوں کو سمندر میں دھکیلا جا رہا ہے اور انہیں زندہ رہنے کا کوئی راستہ نہیں چھوڑا جا رہا ہے۔
