افغانستان سے پھر پاک فوج پر حملہ، سپاہی شہید

راولپنڈی: خیبرپختونخواہ کے ضلع کرم میں افغان سرحد سے دہشت گردوں کی فائرنگ کے نتیجے میں پاک فوج کے سپاہی نے جام شہادت نوش کرلیا۔ آئی ایس پی آر کے مطابق ضلع کرم کے علاقہ خرلاچی میں افغان سرحد پار سے دہشت گردوں نے پاکستانی فوجیوں پر فائرنگ کی جس کے نتیجے میں چنیوٹ کا رہائشی 27 سالہ سپاہی جمشید اقبال شہید ہوگیا۔ پاک فوج کی مؤثر جوابی کارروائی میں دہشت گردوں کو بھاری جانی نقصان اٹھانا پڑا۔