Raza Musani 
نیروبی : پاکستانی تفتیشی ٹیم کی جانب سے کینیا میں سینئر صحافی و اینکر ارشد شریف کی موت کی تحقیقات جاری ہیں۔ ٹیم کے ارکان نے فائرنگ سے متاثرہ گاڑی، اول ٹیپیسی فارم، جائے وقوع اور ارشد شریف کے آخری ڈنر کے مقام کا دورہ کیا۔کینیا میں واقعے کے روز ارشد شریف کے ساتھ موجود خرم احمد نے ٹیم کو بتایا کہ جائے وقوع سے اول ٹیپیسی فارم 22 کلو میٹر دور ہے، بیشتر راستہ کچا ہے۔ تفتیش کی روشنی میں جائے وقوع پر پورے واقعے کے ریہرسل بھی کی گئی۔ تحقیقاتی ٹیم کے ذرائع نے بتایا ہے کہ ارشد شریف نے جس لاج میں ڈنر کیا تھا وہاں کوئی سی سی ٹی وی کیمرہ نصب نہیں ہے۔ ٹیم کو بریفنگ میں بتایا گیا کہ لاج کے علاقے میں بجلی بھی جنریٹر اور متبادل ذرائع سے فراہم کی جاتی ہے۔پاکستانی تفتیش کاروں کو کینیا کے حکام نے بھی تفصیلات فراہم کی ہیں۔
