ارشد شریف قتل کیس، پاکستان نے کینیا سے اہم معلومات مانگ لیں

اسلام آباد: پاکستان نے صحافی ارشد شریف کے قتل کی تحقیقات میں معاونت کیلئے کینیا حکومت سےاہم معلومات مانگ لیں۔ کینیا کی نیشنل پولیس سروس نے تصدیق کی ہے کہ اُسے حکومت پاکستان کا معلومات سے متعلق خط ملا ہے۔۔l جس میں ارشد شریف کے میزبان وقار احمد، ان کی اہلیہ مورین اور خرم احمد کی ٹیلی فون کالز کی تاریخ کی معلومات طلب کی گئی ہیں۔اور مقامی تفتیش کاروں کے تمام نتائج کی رپورٹ دینے کا بھی کہا گیا ہے۔اس سے پہلے پاکستانی تفتیش کاروں نے نیروبی اور دور دراز مقام پر جا کر شواہد کا جائزہ لیا اور کینیا پولیس اور انٹیلی جنس حکام سے ملاقاتیں کیں۔ پاکستان حکام نے تفتیش کے لیے کراچی سے تعلق رکھنے والے دونوں بھائیوں وقار احمد اور خرم سے بات چیت کی۔ تفتیش مکمل کرکے پاکستانی تفتیش کار واپس پاکستان روانہ ہوگئے۔ ادھر جسٹس ریٹائرڈ عبدالشکور پراچہ نے ارشد شریف قتل کیس کی تحقیقات کے لیے جوڈیشل کمیشن کی سربراہی سے معذرت کرلی ہے کیونکہ شہید کی والدہ نے کمیشن پر عدم اطمینان کا اظہار کیا تھا۔