Raza Musani 
تہران : یوم مسلح افواج کے موقع پر ایران نے طاقت اور دفاعی صلاحیت کا بھرپور مظاہرہ کیا۔ مسلح افواج کے دن منعقدہ تقریبات میں نئے ڈرونز، ملکی ساختہ میزائل، ٹینک، بکتر بند گاڑیوں اور جدید میزائل سسٹم کی رونمائی کی گئی۔ یوم مسلح افواج کی مرکزی تقریب بانی انقلاب اسلامی حضرت امام خمینیؒ کے مرقد پر منعقد ہوئی تقریب کا آغاز صدر مملکت کے خطاب سے ہوا جس کے بعد فوجی دستوں نے پریڈ انجام دی۔ اس موقع پر ایران کے عسکری و سیاسی حکام بھی موجود تھے۔ ایرانی مسلح افواج کے یومِ پریڈ کی تقریب میں مختلف ممالک کے سفیروں اور فوجی کمانڈروں نے بھی شرکت کی۔
