عراقچی کی پاکستان میں ملاقاتیں، وزیراعظم کو ایرانی مؤقف سے تفصیلی طور پر آگاہ کیا

اسلام آباد: ایرانی وزیرخارجہ عباس عراقچی کی وزیراعظم شہباز شریف اہم ملاقات ہوئی۔ جس میں نائب وزیراعظم اسحاق ڈار ، فیلڈ مارشل عاصم منیر بھی شریک ہوئے۔ عباس عراقچی نے ایرانی صدر مسعود پزشکیان کا اہم پیغام وزیراعظم کو پہنچایا۔ ملاقات میں خطے کی موجودہ صورتحال اور دوطرفہ تعلقات پر تبادلہ خیال کیا گیا۔
عباس عراقچی نے وزیراعظم کو ایرانی قیادت کے مؤقف سے تفصیلی طور پر آگاہ کیا۔امریکا کے ساتھ مذاکراتی امور پر خدشات سے متعلق پاکستانی قیادت کو اعتماد میں لیا۔ ۔وزیراعظم نے خطے میں امن و استحکام کیلئے سفارتی کوششوں کے فروغ پر زور دیا۔ وزیراعظم شہباز شریف نے باور کرایا کہ پاکستان خطے میں امن کے لیے ہر ممکن کردار ادا کرتا رہے گا۔
ایرانی وزیر خارجہ نے پاکستان کی سفارتی کاوشوں کو سراہا۔ ذرائع کے مطابق ملاقات تقریباً دو گھنٹے تک جاری رہی۔ وزیراعظم شہباز شریف نے ایکس پیغام میں ملاقات پر اطمینان کا اظہار کیا۔ لکھاکہ ملاقات انتہائی پُرجوش اور دوستانہ ماحول میں ہوئی۔ اس عزم کا اظہار بھی کیا کہ دونوں ممالک خطے میں امن، استحکام اور تعاون کے فروغ کے لیے مل کر کام جاری رکھیں گے۔
اس سے قبل فیلڈ مارشل سید عاصم منیر سے بھی ایرانی وزیرخارجہ کے درمیان اہم گفتگوہوئی ۔۔ملاقات میں مشیرقومی سلامتی جنرل عاصم ملک اوروزیرداخلہ محسن نقوی بھی شریک ہوئے ۔ نائب ایرانی وزیرخارجہ اور ترجمان وزارت خارجہ اسماعیل بقائی اورایران کے سفیر امیری مقدم نے بھی ملاقات میں شرکت کی۔ پاکستان آمد پر ایرانی وفد کی پہلی ملاقات نائب وزیراعظم اور وزیرخارجہ اسحاق ڈار سےہوئی۔جس میں خطے کی صورتحال پر تبادلہ خیال کیا گیا۔