Raza Musani 
تل ابیب : صیہونی حکومت نے مغربی کنارے میں زمین پر قبضے کے سب سے بڑے منصوبے کی منظوری دے دی۔ اسرائیلی آبادکاری مخالف ادارے پیس ناؤ کی رپورٹ کے مطابق صیہونی حکام نے مقبوضہ فلسطینی علاقوں میں مغربی کنارے کے سب سے بڑے زمینی قبضے کو گرین لائٹ دکھا دی ہے۔ پیس ناؤ کے مطابق وادی اردن میں 12.7 مربع کلومیٹر زمین پر قبضے کی منظوری گزشتہ ماہ کے آخر میں دی گئی تھی اس کی تشہیر گذشتہ روز کی گئی ہے۔ قبضے میں لی گئی نئی زمین مغربی کنارے کے ایسے علاقے میں ہے جہاں اسرائیل اور حماس کی جنگ شروع ہونے سے پہلے ہی، آباد کاروں کا تشدد فلسطینیوں کو بےگھر کررہا تھا۔ اقوام متحدہ کے ترجمان اسٹیفن ڈوجارک نے اسے غلط سمت میں ایک قدم قرار دیا۔ انہوں نے مزید کہا کہ ہم جس سمت میں جانا چاہتے ہیں وہ بات چیت کے ذریعے دو ریاستی حل تلاش کرنا ہے۔
