Raza Musani 
پارہ چنار : خیبرپختونخوا کے ضلع کرم میں افغانستان سے دہشت گردوں کی فائرنگ کے نتیجے میں پاک فوج کے 3 جوان شہید ہوگئے۔ آئی ایس پی آر کے مطابق پاک فوج کی جانب سے دہشت گردوں کے خلاف جوابی کارروائی کی گئی۔ جس سے دہشت گردوں کا بھاری جانی نقصان ہوا ہے۔ دہشت گردوں کی فائرنگ سے نائیک محمد رحمان ، نائیک معویز خان اور سپاہی عرفان اللہ شہید ہوئے۔ آئی ایس پی آر کا کہنا ہے کہ پاکستان دہشتگردوں کی جانب سے افغان سر زمین استعمال کرنے کی شدید مذمت کرتا ہے۔ پاکستان توقع کرتا ہے افغان حکومت مستقبل میں ایسی کارروائیوں کی اجازت نہیں دےگی پاک فوج دہشت گردی کی لعنت سے ملکی سرحدوں کے دفاع کا عزم کیے ہوئے ہے۔
