غزہ پر رات سے جاری فضائی حملوں میں مزید 26 فلسطینی شہید

غزہ : صیہونی فوج نے غزہ میں ایک اور اسکول کو نشانہ بنادیا۔ نصیرات میں اسکول میں قائم پناہ گزین کیمپ پر حملے میں سات فلسطینی شہید ہوگئے۔ غزہ میں تین سو تنتالیس ویں روز بھی صیہونی فوج کے حملے جاری رہے۔ جنگی طیاروں۔ ڈرونز اور توپوں نے غزہ سٹی، نصیرات، جبالیہ سمیت مختلف مقامات کو نشانہ بنایا۔ مکانات اور رہائشی عمارتوں پر کئے گئے حملوں میں رات سے صبح تک چھبیس فلسطینی شہید اور 70 کے قریب زخمی ہوگئے۔ صیہونی فوج نے بیت لاہیا میں آپریشن کیلئے فلسطینیوں کو علاقے کے کچھ حصوں کو چھوڑنے کا حکم دے دیا۔ علاقے میں صیہونی احکامات کے بعد افراتفری پھیل گئی۔ ادھر غزہ شہر کے زیتون محلے سے صیہونی فوج کے انخلا کے بعد متاثرین واپس لوٹے ہیں جہاں تباہی اور بربادی کے سوا کچھ نہیں بچا۔ علاقے میں بیشتر مکانات اور عمارتیں تباہ یا پھر ناقابل رہائش ہیں۔