Raza Musani 
یروشلم: اسرائیلی حکام نے مغربی کنارے میں نئی بائی پاس سڑکیں نکالنے کے لیے مزید ایک ارب شیکل سے زائد کی رقم مختص کردی ۔ رپورٹ کے مطابق یہ نئی رقم ان سات ارب شیکل کے علاوہ ہے جو قابض حکومت پہلے ہی مغربی کنارے میں بستیوں کی سڑکوں کے منصوبوں کے لیے مختص کر چکی ہے۔ بائی پاس سڑکوں کے ذریعے نئی بستیاں بسانے اور موجودہ بستیوں کو وسعت دینے میں آسانی ہوگی۔
رپورٹ کے مطابق سڑکوں کا مقصد فلسطینی آبادیوں کو نظر انداز کرتے ہوئے بستیوں کو آپس میں جوڑنا اور انہیں قابض اسرائیل کے اندرونی علاقوں تک براہ راست رسائی فراہم کرنا ہے۔ رپورٹ کے مطابق قابض حکومت گذشتہ برسوں میں 952 کلومیٹر سے زائد طویل بائی پاس سڑکیں تعمیر کرکے فلسطینیوں کے لیے دستیاب جگہ کو انتہائی محدود کرچکی ہے۔ رپورٹ کے مطابق موجودہ اسرائیلی حکومت کی تشکیل کے بعد سے اب تک مغربی کنارے میں 100 سے زائد بستیوں، چوکیوں اور چرواہوں کے فارمز کی منظوری دی جا چکی ہے۔
