Raza Musani 
تہران: ایرانی اسپیکر باقر قالیباف نے کہا ہےکہ ایران کے ساتھ اقتصادی تعطل میں امریکہ کے کارڈز ختم ہو رہے ہیں جبکہ ایران کے پاس کئی آپشنز موجود ہیں۔ محمد باقر قالیباف نے امریکا کے ساتھ معاشی کشمکش میں اس کے اثر و رسوخ کے کمزور ہونے کا دعویٰ کیا ہے۔ انہوں نے کہا کہ امریکا ایران کے خلاف معاشی دباؤ میں اپنے زیادہ تر موثر ذرائع استعمال کر چکا ہے۔ انہوں نے کہا کہ امریکا کے ڈیمانڈ مینجمنٹ، اسٹریٹجک آئل ریزرو کے استعمال اور قیمتوں میں تبدیلی جیسے اقدامات پہلے ہی جزوی یا مکمل طور پر استعمال ہو چکے ہیں۔ انہوں نے کہا کہ ایران کے پاس سپلائی سائیڈ پر اہم آپشنز موجود ہیں جن میں آبنائے ہرمز۔ باب المندب اور تیل کی پائپ لائنز جیسے اسٹریٹجک راستے شامل ہیں۔ انہوں نے دعویٰ کیا کہ ایران کے کچھ معاشی اور اسٹریٹجک آپشنز ابھی غیر استعمال شدہ ہیں۔ انہوں نے کہا کہ امریکا کو موسمِ گرما میں توانائی کی بڑھتی ہوئی طلب جیسے عوامل کو بھی مد نظر رکھنا ہوگا۔
