Raza Musani 
اسلام آباد: شیعہ علماء کونسل پاکستان کے سربراہ علامہ سید ساجد علی نقوی سے مرکزی سیکرٹری جنرل علامہ ڈاکٹر شبیر حسن میثمی اور مرکزی سیکرٹری اطلاعات زاہد علی آخونزادہ نے ملاقات کی اور محرم الحرام سمیت سانحہ کرم پاراچنار، زائرین کے مسائل، چہلم امام کے موقع پر موکب لگانے اور ملک بھر میں محرم الحرام کے دوران خدمات انجام دینے والی محرم کمیٹیوں کی کارکردگیوں سے متعلق تفصیلی بریفنگ دی۔ علامہ ساجد نقوی نے تمام مسائل کے حل کے اقدام پر رہنمائی کی اورعزاداری سے متعلق مختلف امور سمیت زائرین کے مسائل کے فوری حل کے لیے ترجیحی اقدامات کی ہدایت کی۔ علامہ ساجد نقوی نے عالمی سیاست کی بدلتی صورتحال کے وطن عزیز پر اثرات سے متعلق بھی آگاہ کیا، جبکہ ملک میں اتحاد و وحدت کی فضاء کو قائم رکھنے کے لیے بعض اقدامات کو فروغ دینے کی ہدایت کی۔
