Raza Musani 
اسلام آباد : چیئرمین مجلس وحدت مسلمین علامہ راجہ ناصر عباس جعفری نے علامہ مقصود علی ڈومکی کو مرکزی سیکریٹری امور تنظیم سازی مقرر کردیا۔ ان کی تقرری کا باقاعدہ نوٹیفکیشن مرکزی سیکرٹریٹ سے جاری کر دیا گیا ہے۔ علامہ مقصود ڈومکی کا آبائی تعلق سندھ کے ضلع جیکب آباد سے ہے، وہ جیکب آباد اور کوئٹہ میں دینی مدارس کے مسئول بھی ہیں، اس سے قبل وہ ایم ڈبلیو ایم صوبہ بلوچستان اور سندھ کے صوبائی صدر اور مرکزی کابینہ میں ترجمان کی حیثیت سے فرائض انجام دے چکے ہیں۔
