Raza Musani 
غزہ: اسرائیلی فوج نے صبح سویرے المواسی کیمپ پر بم برسا دئے۔ جس میں چالیس فلسطینی شہید اور ساٹھ سے زائد زخمی ہوگئے۔ حملے میں پناہ گزینوں کی خیمہ بستی کو نشانہ بنایا گیا۔ بیس سے زائد خیمے تباہ ہوگئے۔ شہدا میں بڑی تعداد میں خواتین اور بچے شامل ہیں۔ حملوں میں بھاری میزائل شامل تھے اورعلاقے میں تین بڑے گڑھے پڑگئے۔ ایمبولینس اور سول ڈیفنس کی ٹیموں کو لاشیں نکالنے میں کافی دشواری کا سامنا ہے۔ اسرائیل نے دعویٰ کیا ہے کہ اس نے حماس کے کمانڈ سینٹر کو نشانہ بنایا ہے۔ جبکہ حماس نے اسرائیلی دعویٰ کی تردید کی ہے۔ یہ اسرائیل کی جانب سے محفوظ قرار دئے گئے زون میں بڑا قتل عام ہے.
