Raza Musani 
غزہ : غزہ میں رات سے جاری فضائی حملوں اور گولہ باری میں اٹھائیس فلسطینی شہید اور کئی زخمی ہوگئے۔ طوفاح شہر میں حملے سے بوستان فیملی کا مکان ملبہ کا ڈھیر بن گیا۔ تین بچوں سمیت ایک ہی خاندان کے نو افراد شہید ہوگئے۔ المواصی کیمپ پر فضائی حملے میں بھی ایک ہی خاندان کے پانچ افراد شہید ہوئے۔ رفح میں بھی تین فلسطینی مارے گئے۔ شہدا کی مجموعی تعداد 41 ہزار ایک سو اٹھارہ ہوگئی.
ادھر اقوام متحدہ کے سیکریٹری جنرل انتونیو گو تریس نے غزہ میں جنگ بندی کیلئے امریکہ کو مداخلت کا پیغام دے دیا۔ انہوں نے کہا کہ امریکہ اسرائیل کو اسلحہ اور سفارتی تحفظ فراہم کرنے کے ذریعے اپنی جنگ جاری رکھنے کے قابل بنا رہا ہے۔
