شام میں مسلح گروپوں کی تحلیل اور فوج میں ضم کرنے پر اتفاق

دمشق : شام میں مسلح گروہ آزاد حیثیت تحلیل کرنے اور فوج میں ضم ہونے پر متفق ہوگئے ہیں۔ شام کی نگران حکومت نے کہاہے کہ حکومت اور مسلح گروہوں کے درمیان اتفاق ہوا ہے کہ تمام مسلح گروپوں کو تحلیل کیا جائے گا اور ان کے ارکان کو ریگولر فوج کا حصہ بنایا جائے گا۔ یہ فیصلہ شام کے نئے رہنما ھیت التحریر الشام کے احمد حسين الشرع اور مسلح گروپوں کے سربراہوں کی ملاقات میں کیا گیا۔ شمال مشرقی شام میں کرد زیر قیادت اور امریکہ کی حمایت یافتہ سیریئن ڈیموکریٹک فورسز ابھی اس معاہدے کا حصہ نہیں ہے۔ گذشتہ روز احمد الشرع نے کہا تھا کہ نگران حکومت ملک میں حکومتی کنٹرول سے باہر ہتھیار رکھنے کی ہرگز اجازت نہیں دے گی۔ اس اصول کا اطلاق کرد گروپ سیریئن ڈیموکریٹک فورسز پر بھی ہوگا۔