Raza Musani 
تہران : ولی امر مسلمین آیت اللہ خامنہ ای نے نائب صدر محمد مخبر کی بطور قائم مقام صدر تقرری کی توثیق کردی۔ اس سے پہلے نائب صدر محمد مخبر نے اعلیٰ سطح کے ہنگامی اجلاس کی صدارت کی اور کہا کہ حکومتی امور بغیر کسی رکاوٹ کے جاری رہیں گے۔ ایرانی آئین کے آرٹیکل ایک سو اکتیس کے مطابق صدر کی برطرفی، استعفیٰ یا موت کی صورت میں نائب صدر ذمہ داریاں سنبھالتے ہیں۔ نائب صدر، اسپیکر اور عدالتی سربراہ پر مشتمل کونسل پچاس دن میں نئے صدارتی انتخابات کرانے کی پابند ہوتی ہے۔
ادھر سابق ایٹمی مذاکرات کار علی باقری کو قائم مقام وزیرخارجہ نامزد کردیا گیا ہے۔ وہ حسین امیر عبداللہیان کی جگہ ذمہ داریاں نبھائیں گے۔ ایرانی وزیرخارجہ صدر ابراہیم رئیسی کے ساتھ ہیلی کاپٹر حادثے میں شہید ہوگئے تھے.
