ججز اور عدالتی عملے کے سوشل میڈیا استعمال کرنے سے متعلق ایڈوائزری جاری

سیشن جج لاہور نے ماتحت عدالتوں کے ججوں اور عملے کے سوشل میڈیا استعمال کرنے سے متعلق ایڈوائزری جاری کر دی۔ سیشن جج لاہور کی جانب سے جاری ہونیوالے مراسلہ کے مطابق ماتحت عدالتوں کے ججز اور عملہ سیاسی نوعیت کا مواد اپ لوڈ کرے گا نہ ہی لائیک، شیئر اور کمنٹس دے گا۔
مراسلے کے مطابق جوڈیشل افسر یا عملے نے سوشل میڈیا پر کوئی چیز شیئر کی تو اس کیخلاف قانونی کارروائی عمل میں لائی جائے گی۔ مراسلے کے مطابق کسی نے کوئی سیاسی پوسٹ لائیک کی یا اپنے ریمارکس دیئے تو اس کیخلاف بھی قانون کے مطابق کارروائی کی جائے گی۔