Raza Musani 
نئی دہلی : ہندوستان میں آج سے برطانوی دور سے نافذ انڈین پینل کوڈ۔ کوڈ آف کریمینل پروسیجر اور انڈین ایویڈنس ایکٹ کا خاتمہ ہوگیا۔ تین نئے قوانین بھارتیہ نیائے سنکھتا، بھارتیہ ناگرک سورکشا سنکھتا اور بھارتیہ ساکشیہ ادھینیم برطانوی تعزیری قوانین کی جگہ لیں گے۔ وزیرِاعظم نریندر مودی نے کہاتھا کہ نئے قوانین سٹیزن فرسٹ، آنر فرسٹ اور جسٹس فرسٹ کے جذبے کے تحت وضع کیے گئے ہیں اور اب پولیس ڈنڈے کے بجائے ڈیٹا کے ساتھ کام کرے گی۔ نئے قوانین کے تحت کسی بھی علاقے میں جرم پر کوئی بھی شہری پولیس میں شکایت درج کراسکے گا۔ ایس ایم ایس کے ذریعے بھی سمن کی ترسیل ہوگی اور تمام سنگین جرائم کے موقع واردات کی ویڈیو گرافی ضروری ہوگی۔ نئے قوانین کے تحت بچوں کی خرید و فروخت سنگین جرم سمجھا جائے گا۔ نابالغ کے ساتھ اجتماعی زیادتی کے مجرموں کو سزائے موت یا عمر قید کی سزا دی جائے گی۔
