Raza Musani 
نیویارک: امریکہ نے صدر جوبائیڈن کی جنگ بندی تجاویز کی حمایت کیلئے ایک نئی قرارداد اقوام متحدہ کی سلامتی کونسل میں جمع کرادی ہے۔ امریکہ نے اقوام متحدہ کی سلامتی کونسل میں ایک نئی قرارداد جمع کرائی ہے جس میں اسرائیلی یرغمالیوں کی رہائی. جنگ بندی کی تازہ ترین تجویز کی حمایت کا اظہار کیا گیا ہے جسے امریکی صدر جو بائیڈن نے گزشتہ ہفتے پیش کیا تھا۔ اقوام متحدہ میں امریکی سفیر لنڈا تھامس گرین فیلڈ کہتی ہیں کہ سلامتی کونسل بلا تاخیر اور مزید شرائط کے اس معاہدے پر عمل درآمد کے امریکی معاہدے میں شمولیت کیلئے فریقین کو آمادہ کرے۔ سلامتی کونسل کو حماس پر اس معاہدے کو قبول کرنے کےلیے اصرار کرنا چاہیے۔ امریکی ایلچی نے کہا کہ سلامتی کونسل کے اراکین کو یہ موقع ہاتھ سے جانے نہیں دینا چاہیے۔
