مجلس وحدت مسلمین کے وفد کی پی ٹی آئی رہنما شیریں مزاری سے ملاقات

اسلام آباد: مجلس وحدت مسلمین کے اعلیٰ سطح وفد نے مرکزی رہنما علامہ سید احمد اقبال رضوی کی قیادت میں پاکستان تحریک انصاف کی مرکزی رہنما و سابق وفاقی وزیر انسانی حقوق ڈاکٹر شیریں مزاری سے ان کی رہائش گاہ پر ملاقات کی اور ان کی غیر قانونی گرفتاری کو حکومتی انتقامی کارروائی قرار دیتے ہوئے اس کی مذمت کی،اور بھرپور ہمدردی کا اظہار کیا۔ علامہ احمد اقبال نے چیئرمین مجلس وحدت مسلمین علامہ راجہ ناصر عباس جعفری کا خصوصی پیغام پہنچایا انہوں نے شیری مزاری صاحبہ سے گفتگو میں کہا کہ ہم آپ کی جدوجہد کو سلام پیش کرتے ہیں اور امریکی سامراج سے آزادی کی جدوجہد میں آپکے ساتھ ہیں ۔ وفد میں سید اسد عباس نقوی، علامہ شیر علی انصاری، ملک اقرار حسین، سید محسن شہریار شامل تھے۔