غزہ میں جنگ بندی کی اشد ضرورت ہے، انتونیو گوتریس

نیویارک : اقوام متحدہ کے سیکریٹری جنرل انتونیو گوتریس نے غزہ کی صورتحال کو انتہائی ناپسندیدہ اور دشوار قرار دے دیا۔ اقوام متحدہ کے سیکریٹری جنرل انتونیو گوتریس نے نیوز ایجنسی اے ایف پی سے بات کرتے ہوئے کہا کہ غزہ میں جس چیز کی اشد ضرورت ہے وہ ہے جنگ بندی لیکن اس وقت اسرائیل وہاں جنگ بندی نہیں چاہتا ہے۔افسوس کا مقام ہے کہ غزہ میں یومیہ انسانی المیہ جنم لے رہا ہے۔انہوں نے مزید کہا کہ غزہ میں جنگ بندی کی سنجیدہ کوششوں کی اشد ضرورت ہے۔لیکن انہیں ایسا لگتا ہے کہ ایسی کوئی کوشش اس وقت کامیابی کے قریب نہیں ہے۔