Raza Musani 
کابل : افغانستان کے شہر قندوز کی سنی مسجد میں نماز جمعہ کے دوران دھماکے سے 33 افراد شہید اور 43 زخمی ہو گئے ہیں۔دھماکہ قندوز کے ضلع امام صاحب کی مسجد مالاوی سکندر میں ہوا جس میں بچوں سمیت 33 افراد شہید ہو گئے۔ طالبان ترجمان ذبیح اللہ مجاہد نے ایک ٹویٹ میں بتایا کہ ہم اس جرم کی مذمت کرتے ہیں اور مرنے والوں کے لواحقین سے گہری ہمدردی کا اظہار کرتے ہیں۔ ابھی تک کسی گروہ نے دھماکے کی ذمہ داری قبول نہیں کی ہے۔گذشتہ روز قندوز اور مزار شریف میں دو دھماکے ہوئے تھے جن کی ذمہ داری داعش نے قبول کی ہے۔
