غزہ میں 814 مساجد مسمار، 148 کو شدید نقصان

غزہ : اسرائیل نے غزہ پر حملوں میں 79 فیصد مساجد اور تین گرجا گھروں کو تباہ کردیا۔ غزہ میں مذہبی امور کی وزارت نے انکشاف کیا کہ اسرائیلی فوج نے شدید بمباری کے دوران غزہ کی 1,245 مساجد میں سے 814 کو مسمار کردیا جبکہ 148 کو شدید نقصان پہنچا ہے۔ بیان میں کہا گیا کہ مساجد کے ساتھ ساتھ تین گرجا گھروں کو بھی تباہ کیا گیا اور 60 قبرستانوں میں سے 19 کو جان بوجھ کر نشانہ بنایا گیا۔ بیان میں کہاگیاہےکہ املاک کو پہنچنے والے نقصان کی تخمینہ پینتیس کروڑ ڈالر ہے۔ وزارت نے کہاکہ اسرائیلی فوج نے قبروں کی بے حرمتی۔ لاشوں کو نکالنے۔ باقیات کو چرانے اور انہیں مسخ بھی کیا۔
وزارت نے نوٹ کیا کہ اس کے زیر انتظام 11 انتظامی اور تعلیمی سہولیات کو تباہ کیا گیا ہے جو کہ غزہ میں اس طرح کے ڈھانچے کا 79 فیصد بنتا ہے۔ وزارت نے مزید کہا کہ اسرائیلی فورسز نے علاقے میں زمینی کارروائیوں کے دوران اس کے 238 ملازمین کو ہلاک اور 19 کو حراست میں لے لیا۔
وزارت نےعالمی برادری بشمول عالمی حکومتوں اور اسلامی تنظیموں پر زور دیا کہ وہ جاری جنگ کو روکنے کے لیے فوری مداخلت کریں۔