صیہونی فوج کے اسکولوں اور خیمہ بستی پر حملے، خواتین و بچوں سمیت 80 فلسطینی شہید

غزہ : غزہ کے دو اسکولوں پر صیہونی فوج کے فضائی حملوں میں تیس فلسطینی شہید ہوگئے۔ حسن سلامہ اور النصر اسکولوں میں بے گھر افراد مقیم تھے۔ مرنے والوں میں بیشتر بچے اور خواتین ہیں۔ حملے میں 80 سے زائد فلسطینی زخمی بھی ہوئے ہیں۔ حملوں سے اسکولوں کے اندر بڑے پیمانے پر تباہی ہوئی ہے۔ اسرائیلی فوج کا کہنا ہے کہ اسکولوں میں قائم حماس کے کیمپوں کو نشانہ بنایا گیا ہے۔ حماس نے اسرائیلی فوج کے دعوے کی تردید کی ہے۔ اس سے قبل اسپتال میں خیمہ بستی کو اسرائیل نے نشانہ بنایا۔ حملے کے نتیجے میں شہید فلسطینیوں کی تعداد چوالیس ہوگئی۔ صیہونی فوج نے البریج اور المغازی کیمپ پر بھی حملے کئے۔