Raza Musani 
غزہ: اسرائیلی فوج نے جبالیہ شمالی غزہ میں روٹی خریدنے کے لیے لگائی گئی لائن پر فائرنگ کردی۔ اقوام متحدہ کے زیرانتظام اسکول میں قائم پناہ گزین کیمپ پر حملے میں آٹھ فلسطینی شہید ہوگئے ہیں۔ فلسطین میں امداد و بحالی کی اقوام متحدہ کی ایجنسی انروا کے مطابق حملہ اس وقت کیا گیا جب فلسطینی روٹی کے حصول کے لیے لائن میں کھڑے تھے۔ اسرائیلی فوج کے شدید حملے میں کئی افراد شدید زخمی ہوگئے جنہیں اسپتال منتقل کیا گیا جن میں سے آٹھ افراد کی موت کی تصدیق کردی گئی۔ زخمیوں میں سے بھی بہت کی حالت تشویشناک ہے۔ حملے میں چار بچے اور تین خواتین بھی شہید ہوئی ہیں۔
