Raza Musani 
غزہ: صیہونی فوج کے غزہ پر حملوں میں چوبیس گھنٹوں کے دوران مزید باون فلسطینی شہید اور ایک سو چوبیس زخمی ہوگئے۔ فلسطین کی سرکاری نیوز ایجنسی وفا کے مطابق اسرائیلی طیاروں نے رفح میں الرضوان فیملی کے گھر کو نشانہ بنایا جس میں سات افراد شہید ہوگئے۔ تل عزز اتار کے علاقے میں خطیب فیملی کے گھر پر حملے میں ایک شہید اور متعدد افراد زخمی ہوئے۔ جن میں زیادہ تعداد بچوں اور عورتوں کی ہے۔ جبالیہ میں ایک مکان پر حملے میں دس افراد جان سے گئے۔ المواصی پناہ گزین کیمپ پر ہیلی کاپٹر سے فائرنگ میں پانچ افراد شہید اور بارہ زخمی ہوئے۔ صیہونی فوج نے خان یونس سے جڑے دیر البلاح میں ایک بار پھر انخلاء کا حکم دے دیا ہے۔
