Raza Musani 
واشنگٹن: امریکی محکمہ خارجہ کے مطابق مذاکرات کے بعد اسرائیل اور لبنان کے درمیان جنگ بندی میں پینتالیس دن کی توسیع پر اتفاق ہوگیا ہے۔ اسرائیل اور لبنان کے درمیان واشنگٹن میں مذاکرات کے تیسرے دور کے اختتام پر دونوں فریقوں کے درمیان سیاسی اور سکیورٹی مذاکرات کا نیا مرحلہ بھی طے پا گیا ہے۔ امریکی محکمہ خارجہ کے ترجمان ٹومی پیگوٹ نے مذاکرات کے حالیہ دور کو انتہائی نتیجہ خیز قرار دیتے ہوئے کہا کہ جنگ بندی میں توسیع مزید پیش رفت کا موقع فراہم کرے گی۔ مذاکرات کا سیاسی مرحلہ دو اور تین جون کو دوبارہ واشنگٹن میں شروع ہوگا۔ انہوں نے امید ظاہر کی کہ یہ مذاکرات لبنان اور اسرائیل کے درمیان دیرپا امن، خودمختاری اور علاقائی سالمیت کے احترام اور مشترکہ سرحد پر حقیقی سکیورٹی کے قیام میں مددگار ثابت ہوں گے۔
