غزہ میں ہر روز 37 بچے ماؤں سے بچھڑ جاتے ہیں، انروا

نیویارک : اقوام متحدہ کے ادارے برائے بحالی و امداد انروا نے انکشاف کیا ہے کہ ہر روز 37 بچے ماؤں سے بچھڑ جاتے ہیں۔ انروا کی جانب سے جاری کردہ رپورٹ میں کہا گیا ہے کہ غزہ عورتوں اور بچوں کیلئے انتہائی غیر محفوظ شہر ہے۔جہاں اب تک دس ہزار خواتین اور 17 سے زائد بچے شہید ہوچکے ہیں۔ شہر میں تمام بنیادی سہولیات ناپید ہیں۔اور قحط شہر کے شمالی علاقوں میں انسانی زندگیاں نگلتے ہوئے جنوب کی جانب تیزی سے بڑھ رہا ہے۔ شہر میں ایک گلاس پانی اور ایک روٹی حاصل کرنا انتہائی دشوار ہے۔بچے،بوڑھے اور خواتین روز بھوک سے مررہے ہیں۔ عالمی اداروں کو اسرائیل مستقل امدادی کام سے روک رہا ہے اور شہر میں طبی سہولیات نہ ہونے کی وجہ سے معمولی بیماریاں بھی جان لیوا امراض میں تبدیل ہورہی ہیں۔