Raza Musani 
غزہ : صیہونی فوج کے غزہ میں صبح سے جاری حملوں میں مزید پینتیس فلسطینی شہید اور درجنوں زخمی ہوگئے۔ جبکہ نصیر اسپتال میں داخل بیالس زخمی مریض دم توڑ گئے۔ صیہونی فوج نے آج غزہ سٹی۔ جبالیہ اور دیر البلاح میں مکانات اور خیمہ بستیوں کو اپنی درندگی کا نشانہ بنایا۔ صیہونی فوج نے حملے کرکے بڑے پیمانے پر فلسطینیوں کو شہید اور زخمی کردیا۔ صیہونی فوج نے گذشتہ رات شمالی غزہ کی زيكيم راہداری کے قریب امداد کے متلاشیوں کو اندھا دھند فائرنگ کا نشانہ بنایا۔ جس میں چورانوے فلسطینی شہید ہوئے۔
نصیر اسپتال نے کہا ہے کہ چوبیس گھنٹوں کے دوران اسپتال میں بیالیس افراد دم توڑ گئے۔ اسپتال میں اب بھی دو ہزار افراد زیر علاج ہیں۔ جس میں چار سو چورانوے بچے شامل ہیں۔
حماس کے عسکری ونگ القسام بریگیڈز نے شمالی غزہ میں اسرائیلی فوج پر حملوں کی نئی ویڈیو جاری کر دی۔ یہ حملے القدس بریگیڈ اور مجاہدین بریگیڈ کے تعاون سے مشترکہ طور پر کئے گئے۔ حملے میں متعدد اسرائیلی فوجی ہلاک اور زخمی ہوئے جبکہ کئی گاڑیوں کو نقصان پہنچا۔
فلسطینی وزارت صحت کا کہنا ہےکہ بھوک نے ایک دن میں اٹھارہ فلسطینیوں کی جان لے لی۔ زیادہ تر اموات بچوں کی ہوئی ہیں۔ اب بھی ہزاروں بچے موت کے دہانے پر کھڑے ہیں۔
