Raza Musani 
غزہ: غزہ اور رفح میں اسرائیلی فضائی حملے جاری ہیں۔ اسرائیلی فوج نے رفح پر سات اور شمالی غزہ میں پانچ فضائی حملے کیے ہیں۔ اسرائیلی فضائی حملوں میں جنوبی اور شمالی رفح میں سات بچوں سمیت دس افراد شہید ہوگئے۔ شمالی غزہ میں اسرائیلی بمباری سے پانچ بچوں سمیت سات افراد شہید ہوئے ہیں۔گزشتہ چوبیس گھنٹوں میں اسرائیلی بمباری سے مزید تیس فلسطینی شہید ہوگئے ہیں۔اسرائیلی فوج نے رفح پر حملے کی تیاریاں تیز کردی ہیں اور تاحال فلسطینیوں کے انخلاء کا کوئی نظام تشکیل نہیں دیا ہے جس سے رفح میں پریشانی بڑھ رہی ہے اور شہری محفوظ مقامات کی تلاش کے لیے سرگرداں ہیں۔شمالی غزہ پر بھی اسرائیل مسلسل حملے کررہا ہے اور پناہ گزینوں کو قتل کرنا اسرائیلی فوج نے معمول بنالیا ہے۔
