Raza Musani 
اسلام آباد: پاکستانی حکومت نے حکام کو ملنے والے قیمتی تحائف کا 21 سالہ ریکارڈ جاری کردیا۔ توشہ خانہ کا یہ ریکارڈ 466 صفحات پر مشتمل ہے۔ ریکارڈ کے مطابق آصف زرداری کو 181۔نوازشریف کو 55۔ شاہد خاقان عباسی کو 27 ۔عمران خان کو 112 اور پرویز مشرف کو 126 تحائف ملے ۔ تحائف میں گھڑیاں، پین، کتابیں، رولیکس گھڑی، پرفیوم ، کارپٹ، ٹی پاٹ، کیبل کلاک، موبائل سیٹ ،خنجر ، زیورات، نیکلس، ڈیکوریشن پیس، شال اور قرآن پاک شامل ہیں۔ کم مالیت کے بیشتر تحائف وصول کنندہ نے خود ہی رکھ لئے۔ توشہ خانہ سے تحائف وصول کرنے والوں میں سابق صدور۔سابق وزرائے اعظم، وفاقی وزرا ۔فوجی عہدیداران اور سرکاری افسروں کے نام شامل ہیں وزرائے اعظم اور صدور کے بچوں نے بھی تحائف پر ہاتھ صاف کئے۔ واضح رہے کہ صدور۔ وزرائے اعظم۔ دیگر حکام اور افسران بیرون ملک ملنے والے قیمتی تحائف توشہ خانہ میں جمع کرانے کے پابند ہیں اور یہاں سے وہ انہیں ادائیگی کرکے حاصل کرسکتے ہیں۔
