Raza Musani 
اسلام آباد: پاکستان میں شرعی عدالت نے شادی کیلئے کم ازکم عمر اٹھارہ سال مقرر کرنا اسلامی احکام کے مطاببق قرار دے دیا۔ شرعی عدالت نے یہ فیصلہ مسلمان شہری کی نابالغ نو مسلم عیسائی لڑکی کےساتھ شادی سے متعلق اپیل پر دیا۔ شہری نے سندھ ہائیکورٹ کے فیصلے کو چیلنج کیا تھا جس میں اس کیخلاف نابالغ لڑکی سے شادی پر کارروائی کا حکم دیا گیا تھا۔ شرعی عدالت نے شہری کی اپیل خارج کرتے ہوئے قرار دیا کہ شادی کے لیے کم از کم عمر مقرر کرنا اسلام کے احکام کے مطابق ہے۔ کیونکہ اس طرح کی کم از کم عمر کی حد کا تعین لڑکیوں کو بنیادی تعلیم مکمل کرنے کے لیے مناسب وقت فراہم کرتا ہے جوکہ عموماً کسی شخص میں ذہنی پختگی پیدا کرنے میں مدد دیتی ہے۔ فیصلے میں کہا گیا ہے کہ اسلامی قانون کے تحت شادی کے لیے صرف ایک ضروری عنصر بلوغت ہے، دیگر معاملات مالی بہبود، صحت اور ذہنی پختگی سے متعلق ہیں۔
