Raza Musani 
لندن: برطانیہ، فرانس اور کینیڈا سمیت بارہ ممالک نے مقبوضہ مغربی کنارے میں قائم غیر قانونی اسرائیلی بستیوں کی مصنوعات پر تجارتی پابندیاں عائد کرنے یا ان کی حمایت کا اعلان کیا ہے۔ برطانیہ، فرانس، کینیڈا، ڈنمارک، فن لینڈ،آئس لینڈ، آئرلینڈ، ناروے، پولینڈ، پرتگال، اسپین اور سویڈن نے مشترکہ بیان میں کہا گیا ہے کہ مغربی کنارے میں اسرائیلی حکومت کے اقدامات دو ریاستی حل کے امکانات کو نقصان پہنچا رہے ہیں۔ برطانوی وزیر خارجہ ایڈ ملی بینڈ نے دارالعوام میں خطاب کرتے ہوئےکہا کہ برطانیہ اب ناانصافی پر محض آواز اٹھانے تک محدود نہیں رہ سکتا۔ بلکہ اب اسرائیلی بستیوں کی توسیع کی مخالفت میں عملی اقدام کا وقت آ گیا ہے۔ ایڈ ملی بینڈ کا مزید کہنا تھا کہ مغربی کنارے پر اسرائیلی قبضہ غیر قانونی ہے اور برطانیہ سمجھتا ہے کہ وہاں فلسطینیوں کی نسل کشی کی جا رہی ہے۔
فرانسیسی وزیر خارجہ ژاں نوئل بارو نے واضح کیا کہ مغربی کنارے کی صورتحال کشیدہ ہو چکی ہے، جہاں بستیوں میں تیزی سے توسیع اور انتہا پسند آباد کاروں کی جانب سے فلسطینیوں پر تشدد کے واقعات میں اضافہ ہو رہا ہے۔
