۹ فروری کونشترپارک میں جنرل قاسم سلیمانی کے چہلم کا جلسہ تاریخی ہوگا،علامہ باقر زیدی

مسلم ممالک کسی کو اپنے داخلی معاملات میں مداخلت کی اجازت نہ دیں،رہنماء ایم ڈبلیو ایم
کراچی(پ ر)مجلس وحدت مسلمین کے صوبائی سیکریٹری جنرل علامہ باقر عباس زیدی نے کہا کہ امریکا،اسرائیل اور بھارت کے شیطانی ٹرائیکا نے پوری دنیا کے امن کو داؤ پر لگا رکھا ہے۔مسلم ممالک کو اگر اپنی سالمیت اور بقا عزیز ہے تو انہیں چاہیے کہ امریکا سمیت کسی بھی ملک کو اپنے داخلی معاملات میں مداخلت کی قطعاََاجازت نہ دیں۔ان خیالات کا اظہار انہوں نے صوبائی سیکریٹریٹ،کراچی میں مختلف شیعہ تنظیموں کے وفود سے گفتگو میں کیا۔ انہوں نے کہا کہ ۹ فروری کونشترپارک میں امت مسلمہ کے عظیم ہیرو جنرل قاسم سلیمانی کے چہلم پر کئے جانے والا جلسہ تاریخی ہوگا۔انہوں نے کہا کہ امریکی دوستی پر اترانے والے امریکاکے ماضی کے کردار کو سامنے رکھیں۔اس موقع پر آئی ایس او کراچی ڈویژن کے صدر محمد عباس بھی موجود تھے۔