یمن کی عسکری صورتحال خوفناک ہونے لگی، اقوام متحدہ

اندیشہ ہے کہ یمن کو زیادہ بڑے پیمانے پر تشدد اور مسائل کا سامنا ہو گا
صنعا (نیوز ڈیسک) یمن کیلئے اقوام متحدہ کے خصوصی ایلچی مارٹن گریفتھس نے خبردار کیا ہے کہ ملک میں عسکری صورت حال مسلسل "خوف ناک” ہوتی جا رہی ہے، شمال میں بعض علاقوں میں حالات باعثِ تشویش ہیں، اس کے نتیجے میں ہزاروں خاندان نقل مکانی کرنے پر مجبور ہو چکے ہیں،انہوں نے عالمی سلامتی کونسل کو آگاہ کیا کہ یمن اس وقت نازک موڑ پر کھڑا ہے،معاملہ سیاسی عمل کے دوبارہ آغاز کی جانب جائے گا اور یا پھر مجھے اندیشہ ہے کہ زیادہ بڑے پیمانے پر تشدد اور مسائل کا سامنا ہو گا، یہ صورت حال مذاکرات کی میز کی جانب جانے والی راہ کو زیادہ دشوار بنا دے گی، خصوصی ایلچی کے مطابق عرب اتحاد کی جارحیت یمن کو تشدد کے ایک نئے گڑھے میں کھینچ کر لے جا سکتی ہے۔ اس کے نتیجے میں انسانی اور سیاسی صورت حال پر تباہ کن اثرات مرتب ہوں گے۔