یمن کے صوبے المہرہ کے جوانوں کے امور کے نمائندے نے کہا ہے کہ امریکی اور برطانوی فوجی یمن کے مشرقی علاقے میں واقع ایک ایرپورٹ میں تعینات ہیں۔ یمن کے صوبے المہرہ کے جوانوں کے امور کے نمائندے بدر کلشات نے ٹویٹ کرتے ہوئے لکھا کہ امریکہ اور برطانوی فوجی الغیضه ایر پورٹ میں تعینات ہیں اور یمن میں امریکی سفیر کرسٹوفر ہنزل نے اس ایرپورٹ پر موجود فوجیوں کے مرکز کا دورہ بھی کیا۔
بدر کلشات نے برطانوی سامراج سے یمن کی آزادی کی سالگرہ کے جشن کے موقع پر امریکی سفیر کے اس اقدام پر تعجب کا اظہار کیا۔واضح رہے کہ 30 نومبر برطانوی سامراج سے یمن کی آزادی کی سالگرہ کا دن ہے۔
یاد رہے کہ سعودی عرب نے امریکہ، متحدہ عرب امارات اور بعض دیگر ممالک کے ساتھ مل کر مارچ دو ہزار پندرہ سے یمن کو جارحیت کا نشانہ بنا رکھا ہے۔ یمن پر عرب اتحاد کے وحشیانہ حملوں میں اب تک سترہ ہزار سے زائد یمنی شہری جانبحق اور ہزاروں زخمی ہوچکے ہیں جبکہ کئی لاکھ یمنیوں کو اپنا گھر بار چھوڑنے پر مجبور ہونا پڑا ہے۔
