کورونا وائرس عالمی وبا،امریکی پابندیاں اٹھائی جائیں، پیر معصوم نقوی

ٹرمپ کو انسانیت کا حیا کرنا،اور موت یاد رکھنی چاہیے، جے یو پی پنجاب کے وفد سے گفتگو
لاہور(پ ر) جمعیت علمائے پاکستان کے سربراہ راہ قائداہل سنت پیر سید محمد معصو م حسین نقوی نے کہا ہے کہ کورونا وائرس پوری دنیا میں پھیلا ہے، ہم مطالبہ کرتے ہیں کہ عالمی برادری اسلامی جمہوریہ ایران پر امریکی پابندیاں ہٹانے کے لیے دباؤ بڑھائے،دنیا کے کوروناوائرس سے متاثر ہ ملک عالمی برادری سے عالمی وبا سے نمٹنے میں مددملے گی،ٹرمپ کو انسانیت کا حیا کرنا چاہیے اور یاد رکھنا چاہیئے کہ ایک دن موت سب کو آنی ہے، امریکا خود بھی کورونا وائرس سے متاثر ہونے کے باوجود ابھی تک ایران کے بارے میں اپنی ہٹ دھرمی پر برقرار رکھے ہوئے ہے،جے یو پی پنجاب کے صدر پیر اختررسول قادری کی قیادت میں وفد سے گفتگو کرتے ہوئے معصوم نقوی نے کہا کہ ایران سے اقتصادی پابندیاں اٹھائی جائیں، ایران نے عالمی برادری سے ایٹمی معاہدہ کیا اور ان کی شرائط بھی مانیں مگر افسوس کے امریکہ کی روایتی ہٹ دھرمی جاری ہے۔