پیوٹن یوکرین پر قبضہ کےلئے پرامید ہیں، سی آئی اے

واشنگٹن: پیوٹن کو اپنی تمام صلاحیتوں پر پورا اعتماد ہے کہ وہ یوکرین پر قبضہ کر لیں گے۔ سی آئی اے سربراہ نے خبردار کردیا۔سی آئی اے کے ڈائریکٹر ولیم برنز نے ایک انٹرویو میں کہاکہ پیوٹن نے نومبر میں ایک اجلاس کے دوران خاص قسم کی مغروری کا اظہار کیا جس سے ان کا وہ یقین ظاہر ہوتا ہے کہ وہ نہ صرف یوکرین کو تہہ و بالا کر دیں گے بلکہ ہمارے یورپی اتحادیوں پر بھی قابو پا لیں اور اس کے بعد آخرکار سیاسی معاملات معمول پر آ جائیں گے۔ ولیم برنز نے کہاکہ پیوٹن کے بارے میں نے جو اندازہ لگایا ہے وہ یہی ہے کہ جانی و مالی نقصان کے باوجود جنگ جاری رکھنے کیلئے پرعزم دکھائی دیتے ہیں۔ وہ یوکرین کے معاملے میں امریکا کی مدد کا بھی درست اندازہ نہیں کر پا رہے اوران کاخیال ہے کہ امریکی وقتی طور پر توجہ دیتے ہیں اور ہم بالآخر کسی اور مسئلے کیطرف بڑھ جائیں گے۔ انہوں نے چین کو خبردار کیاکہ روس کو ہتھیار دینا خطرناک اور غیر دانشمندانہ قدم ہو گا۔