Ilyas 
مذہبی تہوار کے دوران بھگدڑ ، 45یہودی ہلاک ، ڈیڑھ سو سے زائد زخمی،واقعہ قدامت پرست آرتھوڈکس یہودیوں کے مذہبی تہوار کے دوران پیش آیا
سیڑھیوں سے بعض افراد کے پھسلنے سے بھگدڑ مچی، واقعے کی تحقیقات کا آغاز کر دیا گیا، ہلاک وزخمیوں میں امریکی ،کینیڈین اور برطانوی بھی شامل
تل ابیب (نیوز ڈیسک)اسرائیل میں مذہبی تہوار کے دوران بھگدڑ سے 45یہودی ہلاک اورڈیڑھ سو سے زائد زخمی ہوگئے ،یہ اسرائیلی تاریخ کا بدترین سانحہ قرار دیا جارہا ہے،یہ واقعہ شمالی الخلیل کے علاقے کوہ جرمق کے قریب قدامت پرست آرتھوڈکس یہودیوں کے مذہبی تہوار کے دوران پیش آیا،ہزاروں یہودی قدیم زیارت گاہ میں سالانہ مذہبی رسومات کی ادائیگی کیلئے جمع ہوئے تھے کہ اچانک بھگدڑ مچ گئی ،جس کی وجہ معلوم نہیں ہوسکی ،تاہم بعض ویڈیوز اور عینی شاہدین کے مطابق واقعہ سیڑھیوں سے بعض افراد کے پھسلنے کی وجہ سے پیش آیا ، بعض ذرائع کا کہنا ہے کہ ہلاکتیں اسٹیج گرنے اور بھگدڑ مچنے سے ہوئیں ،اسرائیلی حکام کا کہنا ہے کہ واقعے کی تحقیقات کا آغاز کر دیا گیا ہے۔ صیہونی وزیراعظم نیتن یاہو نے اسے بڑی تباہی قرار دیتے ہوئے ہلاکتوں پر دکھ کا اظہار کیا ہے،مرنے والوں اور زخمیوں میں امریکی ،کینیڈین اور برطانوی باشندے بھی شامل ہیں۔
