قاسم سلیمانی کی طاقت شہادت کے بعد زیادہ ہو گئی ،جواد ظریف

سلیمانی کی طاقت کو صرف مادی وسائل اور معیاروں سے درک نہیں کیا جا سکتا
تہران(نیوز ڈیسک) ایران کے وزیر خارجہ محمد جواد ظریف نے کہا ہے کہ جنرل قاسم سلیمانی کی طاقت ان کی شہادت کے بعد زیادہ ہو گئی ، صرف مادی اسباب نہیں ہیں جن کی وجہ سے طاقت میں اضافہ ہوتا ہے ،جنرل قاسم سلیمانی کی طاقت کو صرف مادی وسائل اور معیاروں سے درک نہیں کیا جا سکتا اور عوام پر اعتماد اور مزاحمت جیسے معنوی اسباب بھی طاقت میں اضافے کا سبب ہیں ،انہوں نے قاسم سلیمانی سے متعلق اپنے ریمارکس پرمعذرت کرتے ہوئے لکھا کہ میرے عزیز دوست شہید جنرل قاسم سلیمانی، سپاہ پاسداران انقلاب اسلامی کے عظیم اور بے نظیر کمانڈر تھے تاہم شہادت کے بعد اور بھی عظیم مجاہد ہوگئے۔