فلسطینیوں کی حمایت پر امریکی ماڈلز کیخلاف نفرت انگیز مہم

 نیویارک ٹائمز نے اسٹارزکیخلاف پورے صفحہ کااشتہاربھی شائع کردیا
نیویارک(نیوز ڈیسک)اسرائیل نواز امریکی میڈیا کو فلسطینیوں سے یکجہتی ایک آنکھ نہ بہائی اور ا س نے فلسطینی نژاد امریکی ماڈلزبہنوں بیلا حدید،گی گی حدید اور برطانوی نژادالبانوی پاپ اسٹاردعا لیپا کیخلاف نفرت انگیز مہم شروع کردی، دی نیویارک ٹائمز نے تو تینوں اسٹارزکیخلاف پورے صفحہ کااشتہاربھی شائع کردیا ، اس اشتہار کی اشاعت کے پیچھے ورلڈ ویلیوز نیٹ ورک کے سربراہ ربی شمولی بوٹیچ کا ہاتھ ہے ،دعا لیپا نے اپنی ٹوئٹ میں اشتہار کونفرت انگیزقراردیا اور لکھا کہ ورلڈ ویلیوز نیٹ ورک نے اپنی مہم کو آگے بڑھانے کے لیے غلط طریقے سے میرا نام استعمال کیا ہے،دونوں سپر ماڈل بہنیں حدید اور ازابیلا حدید نیویارک میں فلسطینیوں کی حمایت میں ریلی میں شریک ہوئی تھیں۔