غزہ میں ظلم، امریکی رکن کانگریس آبدیدہ ہوگئیں

اسرائیلی کی غیرمشروط حمایت سے زندگیاں مٹ رہی ہیں ، رشیدہ طلیب
واشنگٹن (نیوز ڈیسک) امریکی ڈیمو کریٹ مسلم خاتون رکن کانگریس رشیدہ طلیب غزہ کی د?کھی ماں کی کہانی سناتے ہوئے آبدیدہ ہوگئیں ،رشیدہ طلیب نے کہا کہ دوستوں کو یاد دلا دوں کہ فلسطینی بھی وجود رکھتے ہیں ، ہم بھی انسان ہیں ، ہمیں بھی خواب دیکھنے کی اجازت ہے، ہم مائیں ہیں ، بیٹیاں ہیں ، پوتیاں ہیں ، فلسطینی کہیں نہیں جارہے، آپ اسرائیل کی نسلی حکومت کو خواہ جتنے پیسے بھیجیں ،رشیدہ طلیب نے یہ بھی کہا کہ ہمیں اسرائیل کے لیے امداد عالمی انسانی حقوق کی پاسداری سے مشروط کرنا ہوگا، اسرائیلی کی غیرمشروط حمایت سے فلسطینیوں کی زندگیاں مٹ رہی ہیں ، ایک اور رکن الہان ع?مر نے کہا کہ اسرائیل فلسطین تصادم میں ہر موت ایک سانحہ ہے، عام شہریوں کو نشانہ بنانے والا ہر راکٹ اور ہر بم جنگی جرم ہے ، مجھے ہر اس بچے کے درد کا احساس ہے جو خوف کے مارے بستر میں چھپ جاتا ہے ، انسانیت کے خلاف سنگین جرائم اور انسانی حقوق کی پامالیوں کی مذمت کرنے کے بجائے ہمارے بہت سے کانگریس اراکین سیلف ڈیفنس کے نام پر اسرائیل کے فضائی حملوں کی حمایت کررہے ہیں