Raza Musani 
مکہ : شیعہ علماء کونسل پاکستان کے مرکزی ایڈیشنل سیکریٹری علامہ سید ناظر عباس تقوی کو سعودی عرب میں گرفتار کرلیا گیا۔علامہ سید ناظرعباس تقوی کومکہ مکرمہ سےاس وقت حراست میں لیا گیا جب وہ عمرہ کی ادائیگی کے بعد واپس وطن لوٹ رہے تھے۔ انہیں نامعلوم مقام پر منتقل کر دیا گیا ہے۔سعودی حکام کی جانب سے علامہ ناظرعباس تقوی کی گرفتاری کی کوئی ٹھوس وجہ تو سامنے نہیں آئی ہے ۔ لیکن ان کے گروپ میں موجود افراد نے بتایا کہ علامہ ناظرعباس تقوی کو شب ولادت امام علیؑ کے موقع پر خانہ کعبہ میں علیؑ ولی اللہ کا پرچم لہرانے کے جرم میں گرفتار کیا گیا ہے۔ شاہی حکومت اس سے قبل بھی متعدد شیعہ علماءو اکابرین کو گرفتار کرچکی ہے ، سن 80 کی دہائی میں حج کے موقع پر امریکا اور اسرائیل کے خلاف احتجاج کے جرم میں بانی آئی ایس او شہید ڈاکٹر محمدعلی نقوی ، علامہ فاضل حسین موسوی، علامہ اعجازحسین نقوی و دیگر کو بھی گرفتار کیا گیا تھا جنہیں کئی ماہ قید کے بعد رہا گیا تھا۔
