Raza Musani 
تہران : ولی امر مسلمین آیت اللہ خامنہ ای نے کہا ہے کہ صیہونی ایران کو نہیں جانتے، ایران کے جوانوں کو نہیں جانتے، ایرانی قوم کو نہیں جانتے۔ ابھی وہ ایرانی قوم کی طاقت، توانائی، جدت عمل اور عزم کو صحیح طریقے سے نہیں سمجھ سکے ہیں۔ یہ بات ہمیں انھیں سمجھانی ہوگی۔ تہران کے امام خمینی حسینیہ میں شہدائے سلامتی کے اہل خانہ سے ملاقات کے دوران ولی امر مسلمین نے کہا کہ ایرانی قوم کی اس طاقت اور عزم کو صیہونی حکومت تک کیسے پہنچانا ہے۔ یہ ہمارے حکام کو طے کرنا ہے کہ قوم اور ملک کے بہترین مفاد میں کیا کرنا چاہیے۔ ولی امر مسلمین نے کہا کہ اسرائیل کے برے عمل پر نہ تو مبالغہ آرائی کی جانی چاہئے اور نہ ہی کم تر کیا جانا چاہئے۔ آیت اللہ خامنہ ای نے کہاکہ صیہونی حکومت کا مقابلہ کرنے کے معاملے میں حکومتوں، اقوام اور اقوام متحدہ جیسے عالمی اداروں کی طرف سے ایک بڑی کوتاہی ہے۔ انہوں نے کہا کہ غزہ اور لبنان میں جو کچھ صیہونی حکومت نے کیا اور کر رہی ہے وہ سب سے وحشیانہ جنگی جرائم میں سے ایک ہے۔۔ دنیا کو ان صیہونیوں کے خلاف کھڑا ہونا چاہیے، حکومتوں کو کھڑا ہونا چاہیے، خاص طور پر اسلامی حکومتوں کو۔ ولی امر مسلمین نے کہا کہ اسرائیل کی مدد کرنا بدترین اور سب سے بڑے گناہوں میں سے ایک ہے۔ آیت اللہ خامنہ ای نے خبردار کیا کہ ایک کمزور قوم جو اپنا دفاع نہیں کر سکتی وہ قدرتی طور پر اپنی سلامتی سے محروم ہو جائے گی۔
