بن سلمان کا یوٹرن،ایران پڑوسی ملک ہے، آرزو ہے کہ ایران کے ساتھ اچھے تعلقات ہوں

ہم خطے میں اپنے اتحادیوں کے ساتھ مل کر ان مسائل کے حل کی کوششیں کررہے ہیں اور ہمیں امید ہے کہ ہم ان پر قابو پالیں گے، خواہش ہے کہ ایران ترقی کرے
 ایران ہمسایہ ملک ہے اور ہمیں توقع ہے کہ اچھے تعلقات بر قرار ہوں گے، مسئلہ ایران کا منفی رویہ ہے، مسلح ملیشیاو ¿ں کی سرپرستی جیسے اقدامات تشویش کا باعث رہے ہیں
ریاض (نیوز ڈیسک) سعودی ولی عہد شہزادہ محمد بن سلمان کے دل میں ایران سے تعلقات کی خواہش مچلنے لگی، مقامی ٹی وی کو انٹرویو میں بن سلمان نے کہا کہ ایران پڑوسی ملک ہے، ہماری آرزو ہے کہ ایران کے ساتھ سعودی عرب کے اچھے تعلقات ہوں، ہم نہیں چاہتے کہ ایرا ن مشکل میں پڑے، ہماری خواہش یہ ہے کہ ایران ترقی کرے، خوشحال ہو، ایران کے ساتھ ہمارے مفادات پورے ہوں اور ایران کے مفادات سعودی عرب سے حاصل ہوں تاکہ خطہ اور دنیا بھر کے ممالک ترقی اور خوشحالی کی طرف پیش رفت کریں ،انہوں نے کہا کہ مسئلہ ایران کا منفی رویہ ہے،خطے میں مسلح ملیشیا و ¿ں کی سرپرستی جیسے اقدامات ہمیشہ سے تشویش کا باعث رہے ہیں ،ہم خطے میں اپنے شراکت داروں کے ساتھ ایران کے ساتھ اپنے اختلافات پر قابو پانے کے لئے کام کر رہے ہیں خصوصا ملیشیاﺅں کی حمایت اور اس کے جوہری پروگرام کی ترقی کے ساتھ، ہم خطے میں اپنے اتحادیوں کے ساتھ مل کر ان مسائل کے حل کی کوششیں کررہے ہیں اور ہمیں امید ہے کہ ہم ان پر قابو پالیں گے، سب کے ساتھ اچھے اور مثبت تعلقات استوار کرسکیں گے ،بن سلمان نے یمن میں ریاض کی جانب سے جنگ بندی کی مسلسل خلاف ورزی کی جانب اشارہ کئے بغیر دعوی کیا کہ ریاض کو توقع ہے کہ یمن کی حکومت جنگ بندی کو قبول کرتے ہوئے مذاکرات شروع کرے گی